GARRAIOA

ESKOLA GARRAIOA DOHAINIK da Derrigorrezko Bigarren Hezkuntzako ikasleentzat, beraien etxea Institututik gutxienez 2 km-ra baldin badago lehenengo ziklokoentzat edo 4 km-ra baldin badago bigarren ziklokoentzat. Bestelako ikasleek ez dute garraiorako eskubiderik. 

 Institutura igotzeko bidearen egoera ikusita (trafiko intentsitatea,aparkatzeko arazoak, bide estua…), ahal den neurrian, autobusen sarrera-irteera orduetan norberaren autoaz ez igotzeko eskatzen dizuegu, eta igotzekotan ez gelditzeko autoa Institutuaren eremua pasatu arte. Horrela, istripuak izateko eta autobusak trabatuta geratzeko arriskua murriztuko dugu. 

69/2015 DEKRETUA

Autobus-ibilbide bakoitzak kolore jakin bateko karneta izango du eta txoferrak edozein unetan eskatu ahal izango du. 

Ikasle bakoitzak bere leku finkoa mantenduko du ikasturte osoan eta lekuaren arduraduna izango da.

Ikasle batek  bere jesarlekua era desegokian dagoela ikusten badu, gidariari jakinarazi behar dio, eserlekua edo ingurua horrela dagoela jakin dezan.

Garraioari buruzko arauak, beste arauekin batera,  "IKASLEENTZAKO GIDA" dokumentuan ikusi ahal dira (ikasturte hasieran bidaltzen da familia guztieei).

Geltokiak, ibilbideak eta ordutegiak ikusteko klikatu hemen.

Adierazitako ordutegia orientagarria da; aldaezina den ordutegi bakarra ibilbide bakoitzaren hasierakoa da.

Zure  etxetik hurbilen geratzen den geltokia jakin nahi baduzu ikusi geltokien MAPA  (GOOGLE MAPS IKUSPEGIAN) (2023-2024 ikasturterako)

Ikastetxetik irteerak (Puntualtasuna eskatzen da, autobusek ezin dutelako beren irteera atzeratu)

• Irailean eta ekainean arratsaldeko 14:25ean

• Urritik maiatzera arratsaldeko 15:05ean

Aurkezpen egunean autobusa 09:30etan hasiko da ibilbide bakoitzaren hasierako puntuan eta buelta 11:30ean izango da